Umeek beraien garapen prozesuan  (haurdunaldian, erditze momentuan edo jaio eta gero) alterazio desberdinak izan dituztenean arrisku biologikoan daudela esaten da.

 

• Haurdunaldian: Hainbat faktore ager daitezke, hala nola, alterazio kromosomikoak (Down Sindromea, x ahula …) eta baita fetoaren garapenean ematen diren alterazioak (oxigeno falta, infekzio gaitzak, nerbio sistemaren garapenean nahasteak: ardatz bifidoa, sortzetiko malformazioak...). Bestalde, eragina izan ditzaketen beste faktore batzuk familien aurrekariak, adina, amaren osasuna, amaren elikadura, haurdunaldiaren baldintzak, sustantzia toxikoak … izan daitezke.

 

• Erditze momentuan: Etapa perinatala ere esaten zaio eta jaiotze momentuan sor daitezkeen oztopoak, zailtasunak edo baldintza genetikoak dira (pisu baxua, goiztiartasuna, garuneko odol jarioak, traumatismoak… ).

 

• Jaio eta gero: Hemen ere gerta daitezke alterazioak, hots, gaixotasunak, istripuak, drogak, elikadura desegokia... Lehenengo urtean diagnostikatu daitezke garapen nahaste larrienak (garun paralisia, adimen urritasuna, eta zentzumen urritasunak beraien forma larrietan).